د پاکستان صدراعظم په لمړني ځل شمالي وزیرستان ته سفر کړیدی او پدغه سفر کې یې ټینگار کړی چې پاکستان به اینده د نورو لخوا په تپل شوو جنگونو کې برخه نه اخلي
د ښاغلي عمران خان سره میرامشاه ته د سفر په مهال د پوځ لوی درستیز جنرال قمر باجوه او د پښتونخواه وزیراعلی حیدر علی هم ملگري و.
د پاکستان د ډان نیوز ورځپاڼه لیکي چې عمران خان وویل "پاکستان به د گاونډي افغانستان د سولې په پروسې کې خپله برخه رول لوبوي. ځکه چې په افغانستان کې سوله د پاکستان لپاره مهمه ده"
صدراعظم عمران خان پدغه موخه د قبایلو ستاینه وکړه
د پاکستان د پوځ ویاند په یو ټویټ کې د عمران خان له قوله لیکلې دي چې پاکستان چې د ترهگرۍ ضد جنگ کې څومره قربانیانې ورکړیدي، بل هیڅ کوم ملک ندي ورکړي.
PM appreciated people of erstwhile FATA/ KP for courageously facing challenging & difficult times of terrorism. He hailed achievements of Pak Army, other security forces & intel agencies for their successful ops against terrorists. “A new Pakistan is in the making”, PM.(3 of 3). pic.twitter.com/EOvmCC3YEZ
— Maj Gen Asif Ghafoor (@OfficialDGISPR) November 26, 2018
"صدراعظم د قبایلي سیمو خلک د ترهگرۍ د چیلنجونو او د مشکلاتو سره د مقابلې له کبله وستایل. هغه د پاکستان د پوځ د کامیابیو یادونه هم وکړه. نوی پاکستان جوړیدونکی دی."
د یادونې وړ ده چې د عمران خان د سفر پر مهال د شمالي او جنوبي وزیرستان نه د پاکستان پارلمان ته منتخب استاځي محسن داوړ او علي وزیر موجود نه و.
علي وزیر د امریکاغږ راډیو ته وویل چې د عمران خان سره د دغې دورې په مهال د پوځ پر ځای د ولسي استاځو اړتیا وه. هغه وویل "مونږ عمران خان ته د پوځ د سیورې لاندې وزیرستان ته د راتگ بلنه نه وه ورکړي."
علي وزیر پدغه موضوع په خپل ټویټ کې ولیکل
ہم نے عمران خان کو سیاسی اور جمہوری سوچ کو مدنظر رکھ کر علاقے میں دورے کی دعوت دی تھی۔ لیکن شاہد انہیں ابھی تک جمہوری سوچ اور آمرانہ سوچ میں تمیز کا ادراک نہیں ہے۔#PashtunRejectStateTerrorism #UNCommission4TahirDawar pic.twitter.com/7QSQa7vlz8
— Ali Wazir (@Aliwazirna50) November 26, 2018
"مونږ د دیموکراسۍ د فکر په اساس عمران خان ته بلنه ورکړي وه چې وزیرستان ته سفر وکړي خو باید هغه د دیموکراسۍ او د دیکتاتورۍ په فکر کې توپیر نشي کولی."
دا د پاکستان د صدراعظم عمران خان دغې سیمې ته لمړنې سفر دی. عمران خان پخلپو خبرو کې وایي چې وزیرستان یې مورنۍ سیمه ده.