د هند د بهرنیو چارو وزارت سکرټر ویجي ګوکلي نن سې شنبه د «کب پر ۷مه»په یوه خبري کنفرانس کې وویل چې هندي الوتکو د کشمیر په بالاکوټ سیمه کې د جېش محمد تروریستي ډلې پر مرکز هوايي بریدونه کړي دي.
هند ویلي چې دا په سیمه کې د هند پر ضد د ځانمرګو بریدونو تر سره کوونکو کسانو د روزنې یو لوی مرکز و چې د تېرې شپې په بریدونو کې د دغه ډلې تر ۳۰۰ پوري غړي وژل شوي دي.
ښاغلي گوکلي ویلي چې د دغه مرکز مشري د جېش محمد ډلې د مشر مولانا مسعود اظهر اخښي مولانا یوسف اظهر چې په استاد غوري هم مشهور دی کوله.
Statement by Foreign Secretary on the Strike on JeM training camp at Balakothttps://t.co/0G0R5WhOeB pic.twitter.com/nyzUNiOkzB
— Raveesh Kumar (@MEAIndia) February 26, 2019
ښاغلي ګوکلي زیاته کړه چې د دغه مرکز په نښه کول ځکه اړین و چې یادو وسله والو یو ځل په هند کې د بریدونو پلان درلود او پاکستان یې په وړاندې هېڅ اقدام نه و کړی.
- د پاکستان غبرګون
د پاکستان صدراعظم عمران خان د هند د سه شنبې د ورځې د هوایي برید په غبرگون کې د خپل هیواد د ملي امنیت د کمیټې بېړنۍ غونډه جوړه کړه. پاکستان ویلي چې د هند ددغه برید ځوابه به ورکړي.
د پاکستان د صدراعظم دفتر د یوې اعلامیې په خپرولو سزره ویلي "...د هند دغه اقدام چې د هغه هیواد د انتخاباتو په درشل کې تر ډیره داخلي مسایلو لپاره دی، د سیمې سوله او ثبات له جدي گواښ سره مخامخ کوي".
د پاکستان د بهرنیو چارو وزیر شاه محمود قریشي د هند برید ته په غبرګون کې ویلي چې هېواد یې د هند له دې اقدام نه وروسته د ځان د دفاع لپاره د ځوابي ګام پورته کولو حق لري.
د پاکستان د پوځ ویاند جنرال اصف غفور پر خپل ټوېټر لیکلي چې تېره شپه هندي الوتکو له ګډې پولې څخه سرغړونه کړې او غوښتل یې د مظفر اباد له لارې د پاکستان خاورې ته ننوزي چې پاکستانۍ الوتکو یې مخه نیولې ده.
غفور ادعا کړې چې پاکستاني الوتکو هندي الوتکې په شا تګ ته مجبوره کړي، خو د تګ پر مهال یې په بالاکوټ سیمې تر څنګ برید کړی، خو چا ته یې زیان نه دی رسولی.
Indian aircrafts’ intrusion across LOC in Muzafarabad Sector within AJ&K was 3-4 miles.Under forced hasty withdrawal aircrafts released payload which had free fall in open area. No infrastructure got hit, no casualties. Technical details and other important information to follow.
— Maj Gen Asif Ghafoor (@OfficialDGISPR) February 26, 2019
غفور پر خپل ټوېټر پاڼه د هغه برید عکسونه هم خپاره کړې چې ادعا کړې هندي الوتکو کړی دی.
Payload of hastily escaping Indian aircrafts fell in open. pic.twitter.com/8drYtNGMsm
— Maj Gen Asif Ghafoor (@OfficialDGISPR) February 26, 2019
نړیوال غبرگونونه
اروپايي اتحادیې په یوه اعلامیه کې پر پاکستان او هند غږ کړی چې له زغم څخه کار واخلي.
د پاکستان نژدې متحد چین د اسلام آباد او نوي ډهلي نه د زغم هیله کړې چې د پراخ کړکیچ مخنیوی وشي.
د چین د بهرنیو چارو وزارت ویاند لو کانگ خبریالانو ته وویل چې دا "په جنوبي اسیا کې د سولې او ثبات لپاره گټوره ده چې دواړه خواوی ښه اړیکې او ښه اړیکې ولري".
چین دا هم ویلي چې د ترهگرۍ سره مبارزه "یوه نړیواله موضوع او نړیوال چلنج دی. دا د هیوادونو ترمنځ همکارۍ ته اړتیا لري".