د ایران مذهبي مشر ایت الله علي خامنه يي په یو فرمان کې ۵۱۵۶ بندیانو ته بخښنه اعلان کړې ده.
په اعلامیه کې د دغو بندیانو په اړه پوره جزیات ورکړل شوي نه دي.
په دوی کې یو شمېر بخښل شوي او د یو شمېر نورو یې سزا کمه شوې ده.
د ښاغلي خامنه يي په رسمي ویبسایټ کې ویل شوي چې دا پرېکړه د شیعه ګانو د یو مذهبي مشر «امام رضا» د زوکړې د ورځې د نمانځلو په مناسبت شوې ده.
د «امام رضا» د زوکړې ورځ په ایران کې یوه مذهبي ورځ بلل کیږي او ایت الله علي خامنه یي هرکال په همدې مناسبت زرګونه بندیان پرېږدي او سزا یې کموي.