د پښتون ژغورنې تحریک مشر منظور پښتین چې دا اوس وخت په ټول پاکستان کې د لادرکه شوو پښتنو او نورو قامونو د خلکو لپاره مبارزه کوي، یو کال مخکې پدی ورځ یعني د ٢٠١٧ کال د ستمبر په میاشت کې د کوره لادرکه شوې و.
منظور د اسلام اباد د مظاهرې نه وروسته امریکا غږ ته په خپلې ځانگړې مرکې کې ویلي و چې هغه پخپله هم د پاکستان ادارو لادرکه کړی و خو هغه خوشبخته و چې کور ته بیرته راغلو او اوس یې د پښتنو د حقونو لپاره مبارزه پیل کړیده.
منطور پښتین په خپل ټویټر د خپل لادرکه کیدو په اړه لیکلې "تیر کال مونږ هم د لادرکه کسانو په لسټ کې شامل و. هغه وخت پي ټي ایم نه و. مونږ په وزیرستان کې په خلکو د تشدد ضد احتجاجونه کړې و."
پچھلے سال ستمبر کے انہی دنوں میں ہم بھی لاپتہ افراد کے لیسٹ تھے .اس وقت پی ٹی ایم نہیں تھا ہم نے شامکئی تحصیل سرویکئی ساوتھ وزیرستان میں عام عوام پر بدترین ظلم کے خلاف ہم نے احتجاج کئے تھے ۔ pic.twitter.com/5ISp4AarFJ
— Manzoor Pashteen (@manzoorpashteen) September 5, 2018
محسن داوړ چې د پښتون ژغورنې تحریک یو د مخکښ مشرانو ندی، د نن نه یو کال مخکې د منظور پښتین د نیول کیدو په اړه ټویټونه کړې و.
Strongly condemn the arrest of Manzoor, Jamal, Shah Faisal, the three young men who protested against State brutalities in South Waziristan.
— Mohsin Dawar (@mjdawar) September 5, 2017
د پي ټي ایم مشران اوس هم ادعا کوي چې په زرگونو کسان اوس هم د کورونو لادرکه دي او د هغوي لپاره به خپله مبارزه جاري وساتي.
محسن داوړ امریکا غږ ته وویل چې ترڅو پورې ټول لادرکو پښتنو په اړه ورته معلومات نه وي ورکړل شوي، د هغوي مبارزه به دوام وکړي. محسن داوړ وایي "هغه کسان چې جرمونه یې کړي، هغوي دې محاکمه شي او کوم چې بیگناه دي هغوي دې خپلو کورونو ته بیرته ولیږل شي."
د پي ټي ایم مشر منظور پښتین ادعا کوي چې د اتو زرو لادرکه کسانو په یو لسټ کار کوي.