د امریکا د متحده ایالاتو جمهور رئیس ډونالډ ټرمپ په ایران کې د دغه هیواد د حکومت پر خلاف تازه اعتراضونو ته غبرګون ښودلی او په فارسي ژبه یې په دوو پرله پسې ټویټونو کې یو ځل بیا د ایران له خلکو خپل ملاتړ کړی دی.
جمهور رئیس ټرمپ د شنبې په ورځ ( مرغومی ۲۱مه) په فارسي " د ایران زړورو او کړیدلو خلکو ته په خطاب کې" د خپل ټویټر په پاڼه ولیکل " زه د جمهوري ریاست د خپلې دورې له پیل څخه ستاسو په څنګ کې ولاړ وم او زما دولت به له تاسو سره همد اسې ودریږي. زه ستاسو اعتراضونه له نږدې څارم. ستاسو زړورتیا هلیه بخښوونکې ده".
همداشان د امریکا د محتده ایالاتو جمهور رئیس ټرمپ د خپل ټویټر په پاڼه په یو بل ټویټ کې د ایران رژیم ته خبرداری ورکړی دی: " د ایران دولت باید د بشر ي حقونو ډلو ته د دې اجازه ورکړي، چې د روانو اعتراضونو له حقیقت څخه څارنه وکړي او په اړه یې راپور ورکړي. په کار نه دي، چې بیا د سوله ییزو اعتراض کوونکو د وژلو او د انټرنیټ د پرې کیدلو شاهد اوسو. نړۍ دا پیښې څاري".
دولت ایران باید به گروههای حقوق بشر اجازه بدهد حقیقت کنونی اعتراضات در جریان مردم ایران را نظارت کرده و گزارش بدهند. نباید شاهد کشتار دوباره ی معترضان مسالمت آمیز و یا قطع اینترنت باشیم. جهان نظاره گر این اتفاقات است.
— Donald J. Trump (@realDonaldTrump) January 11, 2020
به مردم شجاع و رنج کشیده ایران: من از ابتدای دوره ریاست جمهوریم با شما ایستادهام و دولت من همچنان با شما خواهد ایستاد. ما اعتراضات شما را از نزدیک دنبال می کنیم. شجاعت شما الهام بخش است.
— Donald J. Trump (@realDonaldTrump) January 11, 2020
د دې وړاندې د امریکا د بهرنیو چارو وزیر مایک پمپیو د ایران له خوا د سپاه پاسداران د ځواکونو د توغندیو په برید کې د اوکراینۍ الوتکې د نسکوریدلو د اعتراف په اعتراض کې د اعتراض کوونکو یوې ویډیو د خپرولو په ترڅ کې د ایران له خلکو څخه د امریکا پر ملاتړ ټینګار کړی دی.
د بهرنیو چارو وزیر مایک پمپیو د شنبې په ورځ ( مرغومی ۲۱ مه) د خپل ټویټر په پاڼه ولیکل " د ایران د خلکو غږ څرګند دی. هغوی د رژیم له درواغو، فساد، بې کاره توب او د خامنه يي غل سالار تر قومندې لاندې د سپاه د وحشتګرۍ څخه تنګ شوي دي".
ښاغلي پمپیو په ټینګارویلي " مونږ د ایران د خلکو په څنګ کې، چې د ښه راتلوونکي مستحق دي ولاړیو".
د امریکا د بهرنیو چارو وزیر، چې کومه ويډیو خپره کړې په کې ښکاري، چې په تهران کې اعتراض کوونکي شعار ورکوي " ماته فتنه اچوونکی مه وایه، ستمګره ته فتنه یي ".
The voice of the Iranian people is clear. They are fed up with the regime’s lies, corruption, ineptitude, and brutality of the IRGC under @khamenei_ir%27s kleptocracy. We stand with the Iranian people who deserve a better future. pic.twitter.com/tBOjv9XsIG
— Secretary Pompeo (@SecPompeo) January 11, 2020
د ایران د چارواکو له خوا د سپاه پاسدارانو د ځواکونو د توغندیو په برید کې د اوکراینۍ مسافر وړونکي الوتکې د نسکورولو د اعتراف وروسته، اعتراض کوونکي د ښار واټونو ته ووتل د امیر کبیر پوهنتون او د شریف پوهنتون په مخ کې يې د ایران د مذهبي مشر، سپاه پاسداران او د دغه هیواد د نورو چارواکو په خلاف شعارونه ورکړل.