افغان توپ اچوونکي راشد خان په آی پي ال کې بل ریکارډ جوړ کړ.
راشد خان د ممبۍ انډينز له لوبډلې سره د پنجشنبې (اپریل۱۲) په لوبې کې په څلورو اورونو کې یوازې ۱۳ منډې ورکړې او یو لوبغاړی یې وسوځوه.
د راشد خان ریکارډ دا شو چې د هغه د ۲۴ توپونو په ۱۸ یې هېڅ یوه منډه هم ونشوه، چې دا یو نوی ریکارډ دی. د راشد خان لوبډلې د ۱۴۸ منډو هدف پوره کړ او لوبه یې وګټله. خو راشد خان په کې په صفر وسوځېده.
راشد خان د لوبې غوره لوبغاړی شو او ۱۰۰زره هندۍ روپۍ جایزه ورکړه. هغه وویل چې دا پېسې به د خپل یو ملګري د رنځور ماشوم په درملنه لګوي، خو نور معلومات یې ورنکړل.
راشد خان وویل چې خوشاله دی د کرکټ له لارې د افغانانو پر شونډو مسکاوې راولي. د راشد خان تر دغه ریکارډ مخکې د هند د ملي لوبډلې ورو توپ اچوونکي اشوین هم داسې یو کار کړی و.
دا خبر د کرکټ مشهور ویبسایټ اس پي ان هم په خپل ټویټر کې خپور کړی دی.
Rashid Khan equals the record for most dot balls bowled by a spinner in an IPL game: 18 https://t.co/Y17Q4DJElp #SRHvMI #IPL pic.twitter.com/GHBthYco0Y
— ESPNcricinfo (@ESPNcricinfo) April 12, 2018
د راشد خان لوبډلې تراوسه دوې لوبې کړې او راشد خان په کې دوه کسان سوځولي دي.
راشد او محمد نبي دواړه د سنرایزر حیدراباد په لوبډلې کې دي، خو محمد نبي تراوسه کومه لوبه نه ده کړې.