د افغانستان لپاره د امریکا متحده ایالاتو د ځانګړي استازي، ملګرو ملتونو او سعودي عربستان په ګډون یو شمېر هیوادونو د کابل په ښار کې ځانمرګی برید غندلی د ی.
دغه ځانمرګی برید چې پرون دوشنبه مارچ ۲۷ (وري اوومه) ماسپښین ۱:۲۰ وشو د طالب چارواکو په وینا شپږ ملکي وګړي پکې وژل شوي او یو شمېر نور ټپيان شوي دي.
په افغانستان کې د ملګرو ملتونو سیاسي استازولۍ (یوناما) دغه برید غندلی او د پیښې د قربانیانو د کورنیو سره یې خواخوږي ښودلې. یوناما ویلي دي: "د عادي ژوند پر مهال د عامو افغانانو په نښه کول دمنلو وړ ندي. یوناما قربانیانو او د هغوی کورنیو ته خپل د تسلیت مراتب وړاندې کوي."
Reports of numerous casualties in today’s attack in #Kabul - at least one child among them. It is unacceptable that ordinary Afghans continue to be targeted as they go about their daily lives. UNAMA sends condolences to the victims and their families. pic.twitter.com/FThbIFjGAH
— UNAMA News (@UNAMAnews) March 27, 2023
د افغانستان لپاره د امریکا د متحده ایالاتو ځانکړي استازي توماس ویسټ هم د خپل ټویټر په پاڼه دا برید غندلی او ددې پیښې د قربانیانو کورنیو سره یې خواخوږي څرګنده کړې ده.
ښاغلي وسیټ زیاته کړې: "له کابل څخه د یوه وحشتناک انتحاري برید راپورونه ورکړل شوي دي، افغانانو په کافي اندازه ستونزې ګاللي دي، تروریزم په هر دلیل او هر ځای کې د منلو نه دی."
Terrible reports of a suicide attack in Kabul. Afghans have suffered enough, and terrorism for any reason at any place is indefensible. Sincerest condolences to the families of the victims and to those injured.
— U.S. Special Representative Thomas West (@US4AfghanPeace) March 27, 2023
پر همدې مهال په کابل کې د سعودي عربستان سفارت هم دا برید غندلی او په اړه یې ژوره خواشیني ښودلې ده.
د سعودي عربستان سفارت پدې اړه خپره کړې اعلامیه کې ویلي: "سفارت د قربانیانو کورنۍ او د افغانستان ورور ولس ته، د سعودي عربستان د ژورې خواشینۍ او ډاډګیرنې پیغام وړاندې کوي او ټپیانو ته د بېړنۍ روغتیا ارزو لري."
دا برید د کابل ښار په یوه ډیره خوندي سیمه کې شوی دی، چې په کې د بهرنیو چارو وزارت سربیره نوري دولتي ادارې او دوه لوی سوداګریز مرکزونه هم شته.
د کابل لپاره د طالبانو د امنیه قوماندانۍ ویاند خالد ځدراڼ تیره ورځ وویل چې طالب سرتیرو د ملک اصغر په څلور لارې کې یوه ځانمرګی بریدګر هدف له رسېدو مخکې له منځه وړی دی.
نوموړي زیاته کړې چې د لومړنیو معلوماتو له مخې په بریدګر پوري د تړل شوو چاودېدونکو توکو چاودنې له امله شپږ ملکي وګړي وژل شوي او یو شمېر نور ټپیان شوي دي.
د طالبانو حکومت د ریاست الوزرا سیاسي مرستیال مولوي عبدالکبیر هم پرونی برید غندلی او هغه یې د دیني اصولو خلاف بللی دی.
د نوموړي له دفتره خپاره شوي بیان کې راغلي: "نننی برید د اسلام دمبارک دین او انساني اصولو خلاف عمل دی چې په هېڅ وجه نشي توجیه کېدلی."
هغه ویلي چې داعش ډله په افغانستان کې د طالبانو امنیتي سرتیرو لخوا ځپل شوې او په خبره اوس ملکي وګړي په نښه کوي. د راپورنو له مخې د دغه برید مسؤلیت داعش ډلې منلی دی.
دا په داسې حال کې ده چې د تېرې جنورۍ میاشتې پر لومړۍ نېټه هم په یاده سیمه کې د یو ځانمرګي برید له امله لږ تر لږه پنځه کسان وژل شوي و او ۴۰ نور ټپیان شوي و.
کابل ځانمرګي برید ته غبرګونونه؛ یوناما: افغانستان کې د ناامنیو پراخیدل د اندیښنې وړدي
کابل ځانمرګي برید ته غبرګونونه؛ یوناما: افغانستان کې د ناامنیو پراخیدل د اندیښنې وړديهغه مهال د یادې چاودنې مسؤلیت داعش ډلې منلی و.