د امریکا د متحده ایالاتو جمهور رئیس دونالد ټرمپ نن د جمعې په ورځ جنورۍ ٣ په خپل ټویټر لیکلي چې د پاسداران ایران د قدس ځواک قوماندان قاسم سلیماني د ایراني مظاهره کوونکو په گډون د میلیونونو انسانانو د وژنې مسؤل و.
د امریکا جمهور رئیس په یو ټویټ کې لیکلي: "جنرال قاسم سلیماني، د اوږدې مودې په ترڅ کې په زرگونو امریکایان وژلې او یا ټپیان کړي او د زیات شمیر نورو د وژلو دسیسه جوړوله...خو گیر راغی! هغه په مستقیمه یا عیر مستقیم توگه په ایران کې د اعتراض کوونکو په گډون د میلیونونو انسانانو د وژنې مسؤل و."
General Qassem Soleimani has killed or badly wounded thousands of Americans over an extended period of time, and was plotting to kill many more...but got caught! He was directly and indirectly responsible for the death of millions of people, including the recent large number....
— Donald J. Trump (@realDonaldTrump) January 3, 2020
جمهور رئیس ټرمپ ویلي دي چې ایران به هیڅکله ونشي کړای چې دا ومني، خو د ایران خلکو د سلیماني نه کرکه او ویره درلودله او هغوی دومره غمجن ندي په کومه اندازه چې د ایران مشران غواړي نړۍ ته یې په ډاگه کړي."
ښاغلي ټرمپ ویلي دي: " هغه باید څو کاله دمخه له مینځه وړل شوی وای".