د ننګرهار په دره نور ولسوالۍ کې د شفتالانو یو باغدار سږ کال د شفتالو له ډیرو حاصلاتو خوښ دی او وايي د تیر کال په نسبت یې سږ کال باغ ډیر حاصل کړی دی.
د ننګرهار د کرهڼې د ریاست چارواکي وايي، د سږ کال په اوږدو کې يې شاو خوا شل زره کیلو ګرامه بېلابېل اصلاح شوي تخمونه تولید کړي دي او دا تخمونه به تر ډیره د هغو بزګرانو اړتیاووې پوره کړي، چې اصلاح شوي تخمونه غواړي.
په ننګرهار کې د سویابینو کښت چې کال په کال مخ په زیاتېدو دی او کروندګر يې له حاصلاتو خوښ ښکاري وايي د حاصل د ټولولو په مهال د تجهیزاتو له کموالي سره مخ دي.
د ننګرهار کرهڼې ریاست اړوند په تحقیقاتي فارم کې د وریجو د نمایشي قطعو او تولید لپاره هڅې روانې دي، تر څو کروندګرو ته ښه تخم ورکړي او د شولو ښه حاصلات په لاس ورشي.
د کنړ د کرهڼې د ریاست چارواکي وايي، چې سږ کال وچکالۍ د غوزانو بڼوالي زیانمنه کړې ده او له تېر کال نه يې حاصلات کم اټکل شوي دي.
په کنړ کې د معتادینو د درملنې د یوه روغتون د ځمکې مالک چې اوس یې په ځمکه جوړ دا روغتون په ټپه ولاړ دی د طالبانو د حکومت د معتادینو د درملنې په طریقو نیوکې کوي او په طالبانو غږ کوي، چې معتادین علاج ته اړتیا لري، نه دا چې په محبس کې زنداني کړای شي.
د کنړ ولایت د خاص کنړ په ولسوالۍ کې د هندواڼو یو شمیر کروندګر وايي د تېر کال په پرتله سږ کال د هندواڼو کر کیله کمه شوې او د اوبو د کمښت له کبله کروندګرو حاصلات ښه نه دي راغلي.
کنړ کې د معتادینو د درملنې د شل بستریز روغتون مسؤلین وايي، چې له تیرو نهو میاشتو او واک ته د طالبانو له رسیدو راهیسې د مخدره موادو د روږدو کلینیکي درملنه په ټپه ولاړه ده او د معتادینو درملنې لپاره د بستر امکانات نه لري.
د ننګرهار د امنیه قومندانۍ مسؤلین وايي، چې په تیره یوه میاشت کې یې څلور پنځوس کیلوګرامه مخدره مواد او ورسره شکمن قاچاقبران نیولي دي.
لغمان کې د مخدره موادو د روږدو د درملنې د یوه مرکز مسؤلین وايي چې پدغه ولایت کې د معتادینو شمیره زیاته او د درملنې امکانات کم او ستونزې یې ډیرې دي.
د پخواني شوروي اتحاد د ځواکونو په وړاندې جنګیدلی یو پخوانی مجاهد وايي، چې په ایران کې د مزدورئ په مهال د یوه ایراني معمار له لوري د تاریاکو په ورکولو په مخدره موادو روږدی شوی او اوس په لغمان کې تر درملنې لاندې دی.
په لغمان کې د طالبانو د حکومت د کرهڼې رئيس وايي، چې له تیر یو کال راهیسې یې پدغه ولایت کې په څه کم دوه نیم زره جریبه ځمکې باندې یې باغونه جوړ کړي او باغداري د رشد په حال کې ده.
ننګرهار کې د ځمکني توتانو یو شمېر بزګران وايي، له یوې خوا یې سږ کال د توتانو حاصلات ښه ندي او بل لورته د حکومت بدلون او وروستي ناسم اقتصادي وضعیت د ځمکنیو توتانو مارکیټ کمزوری کړی دی.
په لغمان کې یو شمیر کروندګر وايي، چې دوی د تیر حکومت په مهال د کښتونو لپاره ځمکې په اجاره نیولې وې او د ځمکو مالکینو ورسره په اجاره خط کې لیکلي وو چې کوکنار به نه کري.
د ننګرهار په ولایت کې اوس مهال په یو شمېر سیمو کې د کوکنارو د حاصل یا د اپینو د را ټولولو وخت دی او یو زیات شمیر نیښګر وايي، دا چې دوی ته پکې کار پيدا شوی خوښ دي.
د طالبانو د حکومت د لغمان والي وايي چې ملي سوداګرو او مرستندویه مؤسساتو سره یې د مخدره موادو د معتادینو درملنې په خاطر خبرې کړي چې د درملنې په برخه کې امکانات ورته برابر کړي.
د لغمان ولایت په قرغیو ولسوالۍ کې هر کال په پراخه کچه بادرنګ کرل کېږي چې کروندګر يې له حاصلاتو خوښ دي.
د ننګرهار په ښیوې ولسوالۍ کې د محمد نبي په نوم یو بزګر وايي، چې نورو کروندګرو یې په شاوخوا پټیو کې کوکنار وکرل خو ده غنم او نور کښتونه کرلي او غواړي حلاله روزي پیدا کړي.
د ننګرهار په سره رود ولسوالۍ کې د سږني کال کوکنار حاصل ته رسیدلي او د کوکنارو کروندګرو یې د اپينو په راټولولو بوخت دي.
د طالبانو د حکومت د کونړ والي وايي، هر کله چې د کروندګرو لپاره د بدیل معیشت پروګرامونه ترتیب کړي نو بیا به د کوکنارو د له منځه وړولو لپاره عملي اقدامات وکړي.
نور پورته کول
