د خوست ولایت قومي مشرانو په یوه غونډه کې د افغانستان له حکومت څخه وغوښتل چې د لوګر د والي ارسلاجمال د وژنې پیښه په ژوره توګه وپلټي او عاملينو ته یې سخته سزا ورکړي.
د لوګر د والي د وژنې د پیښې په تړاو د خوست ولایت په غونډه کې حکومتي چارواکو، قومي مشرانو، سپين ږيرو، د مدني ټولنې فعالينو او ځوانانو ګډون کړی و.
یو تن قومي مشر رسول محمد تڼي له امريکا غږ سره په خبرو کې د والي ارسلاجمال وژنه وغندله او پر افغان حکومت یې نيوکه وکړه چې په افغانستان کې يې د ګڼ شمیر نورو مهمو شخصيتونو د وژنې قضيې هم په سم ډول ندي څیړلي او نه يې هم عاملين د عدالت منګولو ته راکاږلي دي.
«.. زموږ اداره ډېره کمزورې ده. په زغرده او په سپين ميدان يې چا ته څه ونه ويل. نه يې د ټنيوال عاملين ونيول او نه به د ارسلاجمال عاملین ونيسي او نه به د نورو.»
نوموړی قومي مشر له حکومت څخه غواړي چې د ارسلاجمال د وژنې قضيه په کلکه وڅیړي، عاملين یې پيدا او د عدالت منګولو ته وسپاري.
د دغه ولايت يو بل تن قومي مشر انجينر مزارعلي له قرانکريم څخه په سوء استفادې سره پر ارسلاجمال باندې دغه بريد غندي او د ټولو اسلامي اصولو خلاف عمل يې بولي.
« دا چې د قرانکريم څخه موږ ناوړه ګټه اخلو، د سپر او يا د ترهګرۍ لپاره، دا ډېر د تاسف ځای دی. هرچا، چې دا عمل کړی دی، زه د دوی په حال باندې خفه يم، چې دوی باندې به الله څومره بد عذاب نازلوي. دا عظيمه ګناه ده».
د ځوانانو یو استازی محمد قدیم بیا وایي: «... زه د والي ارسلاجمال وژل په کلکه غندم. دا داسې پیښه ده، چې نه اسلامي ده، نه پکې افغانيت شته، نه شريعت دی او نه پښتو ده».
د پکتيا د مدني ټولنې فعالينو هم له امريکا غږ سره په خبرو کې د والي ارسلاجمال وژنه د افغان حکومت او په مجموع کې د ټول هیواد لپاره يوه نه جبرانیدونکې ضايع ووبلله.
ارسلاجمال د لوګر ولایت په مرکز پُل عالم کې د اختر په لومړۍ ورځ د اختر له لمانځه وړاندې د وينا پر مهال په جومات کې د يوه ځای پرځای شوي بم د چاودنې له امله ووژل شو.
د لوګر د والي د وژنې د پیښې په تړاو د خوست ولایت په غونډه کې حکومتي چارواکو، قومي مشرانو، سپين ږيرو، د مدني ټولنې فعالينو او ځوانانو ګډون کړی و.
یو تن قومي مشر رسول محمد تڼي له امريکا غږ سره په خبرو کې د والي ارسلاجمال وژنه وغندله او پر افغان حکومت یې نيوکه وکړه چې په افغانستان کې يې د ګڼ شمیر نورو مهمو شخصيتونو د وژنې قضيې هم په سم ډول ندي څیړلي او نه يې هم عاملين د عدالت منګولو ته راکاږلي دي.
«.. زموږ اداره ډېره کمزورې ده. په زغرده او په سپين ميدان يې چا ته څه ونه ويل. نه يې د ټنيوال عاملين ونيول او نه به د ارسلاجمال عاملین ونيسي او نه به د نورو.»
نوموړی قومي مشر له حکومت څخه غواړي چې د ارسلاجمال د وژنې قضيه په کلکه وڅیړي، عاملين یې پيدا او د عدالت منګولو ته وسپاري.
د دغه ولايت يو بل تن قومي مشر انجينر مزارعلي له قرانکريم څخه په سوء استفادې سره پر ارسلاجمال باندې دغه بريد غندي او د ټولو اسلامي اصولو خلاف عمل يې بولي.
« دا چې د قرانکريم څخه موږ ناوړه ګټه اخلو، د سپر او يا د ترهګرۍ لپاره، دا ډېر د تاسف ځای دی. هرچا، چې دا عمل کړی دی، زه د دوی په حال باندې خفه يم، چې دوی باندې به الله څومره بد عذاب نازلوي. دا عظيمه ګناه ده».
د ځوانانو یو استازی محمد قدیم بیا وایي: «... زه د والي ارسلاجمال وژل په کلکه غندم. دا داسې پیښه ده، چې نه اسلامي ده، نه پکې افغانيت شته، نه شريعت دی او نه پښتو ده».
د پکتيا د مدني ټولنې فعالينو هم له امريکا غږ سره په خبرو کې د والي ارسلاجمال وژنه د افغان حکومت او په مجموع کې د ټول هیواد لپاره يوه نه جبرانیدونکې ضايع ووبلله.
ارسلاجمال د لوګر ولایت په مرکز پُل عالم کې د اختر په لومړۍ ورځ د اختر له لمانځه وړاندې د وينا پر مهال په جومات کې د يوه ځای پرځای شوي بم د چاودنې له امله ووژل شو.
