د لاس رسي وړ اتصالات

د چمپینز ټرافي پایلوبه د هند او نیوزیلنډ ترمنځ ده


د جنوبي افریقا سره د چمپینز ټرافي په نیمه پایلوبه کې د نیوزیلنډ کېن ویلیمسن (ښۍ) ۱۰۲ منډې وکړې او کپتان میچل سنټنر د جنوبي افریقا درې لوبغاړي وسوځول.
د جنوبي افریقا سره د چمپینز ټرافي په نیمه پایلوبه کې د نیوزیلنډ کېن ویلیمسن (ښۍ) ۱۰۲ منډې وکړې او کپتان میچل سنټنر د جنوبي افریقا درې لوبغاړي وسوځول.

د نیوزیلنډ د کرکټ ملي لوبډلې د چهارشنبې په ورځ، د مارچ پنځمه (کب ۱۵) د چمپینز ټرافي په دوهمه نیمه پایلوبه کې جنوبي افریقا ته په ۵۰ منډ، ماتې وکړه او پایلوبې ته ووت.

د پاکستان په لاهور کې په دغه پنځوس اوریزه لوبه کې نیوزیلنډ د پچې له ګټلو وروسته جنوبي افریقا ته د شپږو لوبغاړو په بایللو سره د ۳۶۳ منډو هدف وټاکه.

جنوبي افریقا په ځواب کې د نهو لوبغاړو په بایللو سره په ټاکل شویو ۵۰ اورونو کې یوازې ۳۱۲ منډې وکړې او لوبه یې وبایلله.

د نیوزیلنډ دپاره توپ وهونکو راچین راویندرا او کېن ویلیمسن دواړو په خپل وار له سلو زیاتې منډې وکړې. د نیوزیلنډ کپتان میچل سنټنر د جنوبي افریقا درې لوبغاړي وسوځول.

د جنوبي افریقا لپاره ترټولو زیاتې ۶۹ منډې راسي واندر دوسن وکړې. د جنوبي افریقا کپتان ټیمبا باوما د ۵۶ منډو کولو وروسته وسوځېد.

د چمپینز ټرافي په دوهمه نیمه پایلوبه کې د سه شنبې په ورځ، هند استرالیا ته ماتې ورکړه او پایلوبې ته ووت.

د هند او نیوزیلنډ ترمنځ پایلوبه د مارچ په نهمه کیږي.

د پاکستان په کوربتوب د چمپینز ټرافي په سیالیو کې د افغانستان په ګډون اتو لوبډلو برخه لرله. هند پاکستان ته د لوبډلې له لیږلو ډډه کړې او ویلي یې دي چې ددې ټورنمنټ لپاره به خپلې ټولې لوبې په دوبۍ کې کوي.

فورم \ دبحث خونه

XS
SM
MD
LG