طالبانو تیره اوونۍ اعلان کړی ؤ چې په اتلسم فبروري (دوشنبې) به اسلام اباد کې د امریکایي استازي زلمي خلیلزاد او د پاکستان د صدراعظم سره لیدنې کوي.
د افغانستان د ملي امنیت پخوانی رئیس او د جمهوري ریاست برحاله کاندید رحمت الله نبیل وایي، اسلام اباد ته د طالبانو بلل او رسمي لیدنو امکانات برابرول د پاکستان هغه هڅه ده چې غواړي طالبانو ته نړیوال مشروعیت ورکړي.
د ښاغلي نبیل په باور، پاکستان پدې کوشش کې دی چې طالبان د افغانستان د حکومت په مقابل کې نړیوالې ټولنې ته د یو موازي قوت په توګه معرف کړي. د ښاغلي تبیل په وینا پاکستان ځکه دا کار کوي چې وښيې د افغانستان د امن کولو او سولې په پروسه کې اصلي اړخ پاکستان وي.
د سید سلیمان اشنا سره د ښاغلي نبیل پوره مرکه دلته لیدلی شئ:
