ټاکل شوې نن دوشنبه د نومبر۲۳مه په ژنیو کې د فنلنډ، افغانستان او ملګرو ملتونو په کوربتوب د افغانستان سره د مرستو په اړه کنفرانس پیل شي.
په دغه دوه ورځني کنفرانس کې به نړیوال سازمانونه او هیوادونه د راتلونکو څلورو کلونو لپاره له افغانستان سره د خپلو مالي مرستو د دوام په اړه پرېکړه وکړي.
په افغانستان کې د فنلنډ سفارت نن دوشنبه نومبر ۲۳مه پر خپل ټویټر لیکلي چې د یاد کنفرانس په لومړۍ ورځ به د بشري حقونو، د ښځو پر لاسته راوړنو، ساتنې او پرمختګ او بیرته راستنېدنکو کډوالو په اړه بحثونه وشي.
#Afghanistan2020 – Starting now: Side event on sustainable #PeaceBuilding. Two important topics: 1)Safeguarding and strengthening #HumanRights & #women’s participation, 2)Reintegrating #refugees & returnees. More info: https://t.co/efw4uUK9AW Watch live:https://t.co/q32JiStmhB pic.twitter.com/Tr0SloXuZg
— Finland in Afghanistan (@FinlandinAfg) November 23, 2020
همدارنګه په افغانستان کې د ملګرو ملتونو سیاسي استازوالۍ یا یوناما هم ویلي چې د یاد کنفرانس په لومړۍ ورځ چې نن دوشنبه ده په افغانستان کې د بشري حقوقونو پر وضعیت، نوي ادغام، له فساد سره پر مبارزې او اقتصادي مسائلو په اړه خبرې وشي.
Safeguarding human rights, promoting women’s participation, inclusion of minorities & refugee rights key to peace- #Afghanistan2020 Side Event 1 with #Afghanistan MFA @MHaneefAtmar & @MMStanekzai @RulaGhaniFLA @SadatNaderi @mbachelet @FilippoGrandi & more https://t.co/GsnL8L5u8G pic.twitter.com/evWcXH8P4Q
— UNAMA News (@UNAMAnews) November 23, 2020
د یاد کنفرانس عمومي ناسته به سبا سې شنبه چې د نومبر پر۲۴مه کیږي د فنلنډ پر وخت سهار نهه بجې پيل شي.
د افغانستان د بهرنیو چارو وزارت په یوې اعلامیې کې ویلي چې د بهرنیو چارو وزیر محمد حنیف اتمر او د مالیې وزیر عبدالهادي ارغندیوال په یاد کنفرانس کې د ګډون لپاره سویس ته رسېدلي دي.
د افغانستان په اړه د ژنیو کفرانس د «تلپاتې سولې او پر ځان بساینې» په نوم د ولسمشر محمد اشرف غني او ملګرو ملتونو د سرمنشي انتونیو ګوتریش په وینا سره پرانیستل کیږي.
افغانستان د مالیې وزارت د ویاند شمروز خان مسجدي په وینا ټاکل شوې په دغه کنفرانس کې د شااوخوا ۸۰ هیوادونو استازي په انلاین ډول ګډون وکړي.
ښاغلی مسجدي چې دا مهال په سویس کې دی ویلي چې د یاد کنفرانس تر سره کېدو لپاره ټول چمتووالی نیول شوی او د ځینو هیوادونو استازي به په حضوري ډول ګډون وکړي.
د فنلند د بهرنیو چارو وزیر پیکا هاویستو، ویلي چې یو عمده بدلون د مرستو ارزول د څلور کالو څخه یو کال ته راټیټیدل دي. د فنلند د بهرنیو چارو وزیر وویل مرسته کوونکې ټولنه نه غواړي چې د تیرو ۱۹ کلونو لاسته راوړنې له منځه لاړې شي.