په پاکستان کې د پښتون ژغورنې غورځنګ ادعا کوي چې د پاکستان استخباراتي ادارې یې د کراچۍ په ښار کې ځينې غړي "تښتولي" دي.
د پي ټي ام مشر منظور پښتین په خپل ټویټر کې لیکلي دي چې د غورځنګ د یو فعال غړي عالم زیب مسید سره یو ځای ځینې نور غړي هم نیول شوي دي.
کراچی میں عالمزیب سمیت پی ٹی ایم کے کئی ساتھیوں کو کراچی پولیس اور سیول کپڑو میں ملبوس خفیہ ایجنسیوں کے اہلکاروں نے اغوا کئے ہیں عینی شاھدین کا کہنا ہے کہ ائے ہوے پولیس افیسر اور خفیہ ایجنسیوں کے لوگ وہی لوگ تھے جو راوانوار کے ساتھ ہمیشہ اکھٹے پھرتے تھے pic.twitter.com/lyIHOetN2o
— Manzoor Pashteen (@manzoorpashteen) January 21, 2019
په ټولنیزو رسنیو کې د دغو کسانو د نیولو ویدیو هم خپره شوې ده. په ویدیو کې ښودل کیږي چې د پاکستان د پولیسو په جامو کې ځینې خلک له یو موټر نه د پښتون ژغورنې د غورځنګ دغه فعالان راښکته کوي.
تر څنګ یې په شخصي لباس کې یو بل کس هم لیدل کیږي چې تمانچه یې په لاس کې ده او اخوا ته د پولیسو یو موټر هم ښکاري.
پي ټي ام د پاکستان په ښار او د شمالي وزیرستان د خیسوره په سیمه کې د یکشنبې په ورځ (جنوري۲۱) احتجاجي غونډې کړې او یو شمېر غړي یې د پاکستان له نورو سیمو څخه دغو غونډو ته تللي وو.
ویل کیږي چې عالم زیب مسید هم د کراچۍ غونډې ته تللی و. په ټولنیزو رسنیو کې هم یو شمېر خلکو کمپاین پیل کړی دی.
د پښتون ژغورنې غورځنګ له شاوخوا یوه کال راهېسې فعالیت کوي چې لوی هدف یې د پښتنو د حقونو لپاره مبارزه ده. د پاکستان حکومت لا د دغو کسانو د نیولو په اړه څه نه دي ویلي.