په کابل کې د امریکا سفارت شارزدافیر راس ویلسن وايي په لغمان او ننګرهار ولایتونو کې موټر بم بریدونو یې زړه مات کړی دی.
نوموړي نن دوشنبه اکتوبر۵ (تلې۱۴) پر خپل ټویټر لیکلي چې د سیاسي تاوتریخوالي له امله مرګ ژوبله زیاته شوې ده. نوموړي د موټر بم بریدونه او د تاوتریخوالي زیاتوالی غندلی دی.
ښاغلي ویلسن زیاته کړې چې افغانان پراخ اوربند ته اړتیا لري.
I am heartbroken by the attacks in #Nangarhar & #Laghman; I condemn the rise in violence. In a year that held out such promise & hope, there has been far too much tragedy in #Afghanistan. One death caused by political violence is too many. Afghans need a comprehensive #ceasefire.
— Chargé d’Affaires Ross Wilson (@USAmbKabul) October 5, 2020
نن شنبه سهار لس بجې په مرکز مهترلام کې د لغمان والي رحمت الله یارمل د موټرو په کاروان بم برید کې د چارواکو په وینا اته تنه ووژل شول او څه باندې ۳۰ نور ټپیان شول.
د لغمان والي ویاند اسدالله دولتزي امریکا غږ ته وویل چې په وژل شوو کسانو کې څلور ملکي وګړي او څلور د والي ساتونکي شامل دي.
د ننګرهار په غني خېلو ولسوالۍ کې بیا همداسې یو برید د ښځو او ماشومانو په ګډون ۱۶ تنه ووژل او ۳۷ نور ټپیان کړل.
تر دا مهاله د دغو دواړو بریدونو مسؤلیت کومې وسله والې ډلې نه دی منلی.
په ورته مهال د افغانستان د بشري حقونو خپلواک کمېسیون هم د ننګرهار ولایت په غني خېلو ولسوالۍ کې موټر بم برید غندلی او د ورته بریدونو دوام یې د سولې بهیر په ضرر بللی دی.
یاد کمېسیون همدارنګه دغه برید د نړیوالو اصولو خلاف او جنګي جنایت بللی دی.
In a car-bomb attack in Ghani-khel District of Nangarhar province, 14 civilians (including 8 children & 1 woman) were killed, & 37 others (including 20 children & 1 woman) were injured. While strongly condemning this brutal attack, we call for ceasefire. https://t.co/NCAxRua7iQ pic.twitter.com/vfSZBtFohc
— AIHRC (@AfghanistanIHRC) October 5, 2020
په افغانستان کې د یوې اونۍ دننه د یوې ورځې په توپیر دغه موټر بم بریدونه پر داسې مهال کیږي چې په دغه هیواد کې د تاوتریخوالي کمېدو په اړه هیلې زیاتې شوي دي.
په قطر کې د افغانستان د اسلامي جمهوریت او طالبانو د مذاکراتي ټېمونو ترمنځ د سولې خبرو پرانیستل هغه څه دي چې خلکو ته یې د جګړې پای ته رسېدو په اړه هیلې پیدا کړي دي.