د افغانستان د صرافانو ټولنه وايي، په کابل او ولایتونو کې د دوی کاري اعتصاب د څلورمې ورځې لپاره دوام لري، چې له امله یې صرافانو او سوداګرو ته میلیونونه ډالر زیان رسیدلی دی.
د افغانستان ولسمشر محمد اشرف غني وايي، د تروریزم او افراطیت پر ضد د خلکو د یو موټي کیدو لپاره، په پاکستان کې د پښتنو له اوږدمهالي احتجاج څخه ملاتړ کوي.
د افغانستان د بهرنیو چارو وزارت وايي، چې د کابل او اسلامآباد تر منځ د خبرو په دوام د جمعې په ورځ د افغان حکومت یو لوړپوړی پلاوی پاکستان ته تللی دی.
په افغانستان کې د قاطع ملاتړ ماموریت وايي د وسله والو طالبانو د نشه يي توکو د تولید لسګونه کارخانې یې ویجاړې کړي دي.
بادغیس ولایت کې سیمهییز چارواکي وايي، ۱۵ تنه افغان سرتیري چې د امنیتي ځواکونو مختلفو قطعاتو پورې تړاو لري او د تیر یو کال راهیسې له وسلهوالو طالبانو سره په بند کې وو، د دغې ډلې له زندان څخه په تیښته بریالي شوي دي.
د مهاجرت نړیوالې ادارې په خپل رپوټ کې ویلی، چې د روان عیسوي کال د جنوري میاشتې له پیل څخه د فبروري تر دریمې، له ایران او پاکستان څخه له ۵۲ زرو څخه زیات افغان کډوال شړل شوي او یا په خپله خوښه افغانستان ته ستانه شوي دي.
د افغانستان د مسکراتو او مخدره توکو پرضد د مبارزی عدلی او قضایی مرکز چارواکي وايي، افغان امنیتي ځواکونو په تیرو ۷ وروځو کې د یوې ښځې په ګډون ۱۳ تنه د مخدراتو د قاچاق په تور نیولي دي.
د افغانستان د دفاع وزارت وايي، په کابل کې د لومړۍ لوا د ۱۱۱ فرقې پر دویم کنډک د برید له کبله یې د پوځ دوه جنرالان او پنځه افسران له دندو شړلي.
د افغانستان لپاره د ملګرو ملتونو د بشري مرستو اداره (OCHA) وايي، د ۲۰۱۸ په لومړۍ میاشت کې نږدې اوه زره افغان له خپلو اصلي سیمو څخه بېځایه شوي دي.
د غور ولایت چارواکي وايي، د دوشنبې ورځې په سهار وسلهوالو طالبانو د غنمو څلور لارۍ چې له هرات ولایت څخه د فیروز کوه ښار په لور روان وو، ودرولي او له ځان سره یې نامعلوم لوري ته وړي دي.
افغان چارواکي وايي په ننګرهار کې د بېپیلوټه طیارو په برید کې لسګونه داعش او د لشکر اسلام جنګیالي وژل شوي دي.
د افغانستان ولسمشر محمد اشرف غني وايي د اصلاحاتو د راوستلو او د ځوانو افسرانو د پرمختیا د زمینې برابرولو لپاره یې، د افغان پوځ د ۱۶۴ جنرالانو د تقاعدې اسناد لاسلیک کړي دي.
د افغانستان د بهرنیو چارو وزارت وایي په کابل کې د افغان او پاکستاني مقاماتو ترمنځ د شنبې د ورځې مذاکرات د خبرو خبرو دوام و چې پاکستان ته د کورنیو چارو د وزیر او د ملي امنیت د عمومي رئیس د سفر په وخت شوې وې.
د افغانستان ولسمشر محمد اشرف غني وايي، اوس د سولې لوری څرګند شوی او له هغوی سره چې د تیرې شنبې په ورځ یې په کابل کې خونړی برید ترسره کړ سوله نه کوي.
د افغانستان د بهرنیو چارو وزارت وايي، چې د شنبې په ورځ د پاکستان د حکومت یو لوړپوړی پلاوی له افغان چارواکوا سره د خبرو لپاره کابل ته رسیدلی دی.
د افغانستان د ملي امنیت مشر معصوم ستانکزی وايي پاکستان ته یې د یو شمیر ترهګرو نوملړ، د تروریستي ډلو د روزنیزو مرکزونو په اړه اسناد او شواهد سپارلي.
د ملکي وګړو د خوندیتوب او عدالت غوښتنې ډلې (سي پي اې جي)په یو تازه رپوټ کې ویلي، چې په افغانستان کې د ۲۰۱۸ کال په لومړۍ میاشت کې، ۲۲۸ ملکي کسان وژل شوي او ۳۶۴ نور ټپیان شوي دي.
د افغانستان د مسکراتو او مخدره موادو پر ضد د مبارزې عدلي او قضايي مرکز وايي، پولیسو د روان لمریز کال په جدي میاشت کې د ۵۵ قضیو په تړاو ۷۳ تنه د مخدراتو د قاچاق په تور نیولي او یاد مرکز ته یې سپارلي دي.
د افغانستان لپاره د ملګرو ملتونو د بشري مرستو ادارې (OCHA) په ۲۰۱۷ کال کې په افغانستان کې د مرستندویو ادارو له کارکوونکو سره د تاوتریخوالي ۳۷۷ پيښې ثبت کړي، چې په کې اولس تنو خپل ژوند له لاسه ورکړی دی.
نور پورته کول
