روسیه وايي د داسې ګرځنده پناه ځایونو تولید یې پیل کړی چې د اتومي چاودنې د ټکانونو او وړانګو په ګډون د بېلا بېلو ګواښونو په وړاندې مقاوم وي.
د ملګرو ملتونو د امنیت شورا د چهارشنبې په ورځ نومبر ۱۳ (لړم۲۳) په لبنان کې د ملګرو ملتونو په سوله ساتو ځواکونو باندې بریدونه غندلي دي.
د امریکا د جمهوري ریاست په ټاکنو کې د ډونالډ ټرمپ له بري څخه یوه اونۍ وروسته د ایران ولسمشر مسعود پزشکیان ویلي چې تهران خپل سخت غلیم متحده ایالتونه له پامه نه شي غورځولای او باید «له خپلو دښمنانو سره په چلند کې له زغم» څخه کار واخلي.
د پاکستان حکومت په لاهور کې د ککړ چاپېریال او ککړې هوا له کبله د پیدا شویو ناروغیو د مخنیوي لپاره د مارکیټونو او هټیو کاري ساعتونه کم کړي او په عمومي ځایونو کې یې اکثریت فعالیتونه بند کړي.
د پاکستان په لاهور کې حکومت د یکشنبې په ورځ نومبر درېیمه (لړم۱۳) اعلان وکړ چې د ککړې او کردجنې فضا له کبله به لومړني ښوونځي تړي او ډېر کارکوونکي به له کورونو څخه کار کوي.
د متحدو ایالتونو د ایوای په ایالت کې د روغتیا او بشري خدمتونو مسئولین وایي چې دغلته د لاسا تبې له کبله یو کس مړ شوی دی.
د امریکا د متحدو ایالتونو د دفاع وزیر لوید استن نن دوشنبه اکتوبر ۲۱ (تله۳۰) اوکراین ته د خپل ناببره سفر په مهال له دغه هېواد سره د ۴۰۰ میلیون ډالرو په ارزښت نوې پوځي مرسته اعلان کړه.
په مالي کې دیپلوماتان او امنیتي سرچېنې وايي چې په القاعدې پورې تړلې یوې وسله والې ډلې د مالي په مرکز باماکو کې په روانې اونۍ کې شاوخوا ۷۰ تنه وژلي دي، حکومت د تلفاتو ارقام نه دي خپاره کړي.
د اوکراین ولسمشر ولادیمیر زیلینسکي د سه شنبې په ورځ سپتمبر درېیمه (سنبله۱۳) وویل چې روسیې د اوکراین په یو پوځي انستیتوت د میزایلو برید کړی دی او حد اقل ۴۱ تنه یې وژلي دي.
په هند کې زرګونو ډاکټرانو او د روغتیا د برخې کار کوونکو د دوشنبې په ورځ اګست ۱۹ (زمری۲۹) وویل چې خپل اعتراضونه به روان ساتي او لاس ترې نه اخلي.
د چین د بهرنیو چارو وزارت نن یکشنبه اګست ۱۱ (زمری۲۱) په یوې اعلامیې کې ویلي دي چې بیجینګ د «حاکمیت، امنیت او ملي هویت» په دفاع کې د ایران ننګه کوي.
د متحده ایالاتو ولسمشر جو بایډن ویلي ډاډه ندی چې که پخوانی ولسمشر او د جمهوري غوښتونکو نوماند ډونالډ ټرمپ د نومبر د ولسمشرۍ په ټاکنو کې ماتې وخوري، واک به په سوله ایزه توګه ولیږدول شي.
د پاکستان پوځ په پوځي تاسیساتو باندې د عمران خان د پلویانو د بریدونو په مخنیوي کې د پاتې راتلو له کبله د یو ډګر جنرال په ګډون درې لوړ پوړي پوځي مشران له دندو لېرې کړي دي.
ملګرو ملتونو او د بشري مرستو رسوونکو ادارو د افغانستان لپاره د مرستو د بودیجې طرحه بدله کړې ده او له ۴.۶ میلیارد ډالرو څخه ۳.۲ میلیاردو ته راکمه کړې ده.
د سه شنبې په ورځ مۍ نهمه (غوايي۱۹) د پاکستان مخکنی صدراعظم عمران خان له محکمې څخه واېستل شو او ونیول شو. د هغه له نیول کېدو وروسته د هغه پلویانو د پاکستان په بېلا بېلو ښارونو کې له تاوتریخوالي ډکې مظاهرې کړې.
د امریکا د متحدو ایالتونو د بهرنیو چارو د وزیر انتوني بلینکن له فشارونو وروسته په سودان کې د جګړې د دخیلو غاړو ترمنځ د ۲۴ ساعتونو لپاره اوربند وشو.
د امریکا د متحدو ایالتونو ولسمشر جو بایډن نن چهارشنبه اپریل ۱۲ (وري۲۳) ایرلنډ ته رسېدلی دی.
دونالډ ټرمپ، چې په متحدو ایالتونو کې په حکومت کې او یا له وسله والو ځواکونو سره یې د کار هېڅ تجربه نلرله، په ۲۰۱۶ کال کې د جمهوري ریاست انتخابات وګټل او ولسمشر شو.
فنلنډ له اوکراین سره د میلیونونو ډالرو نوې مرسته اعلان کړه، جي-۷ په روسیې باندې د نویو بندیزونو د لګولو پلان لري او ملګري ملتونه په اوکراین کې د «عادلانه او دوامداره سولې» په طرحې رایه اچوونه کوي.
