د لاس انجلس لیکرز لوبغاړی جیمز لبرون د امریکا د باسکټبال د فدراسیون لومړنی لوبغاړی شو چې ۵۰ زره پاینټونه ترلاسه کړي دي.
لبرون د نیو اورلیانز د پیلیکنز ټیم په وړاندې د لاس انجلس لیکرز د لوبې په لومړۍ ربع کې د درې پواینټه شوتونو په ترسره کولو سره نندارچیان حیران کړل.
د جیمز لبرون د پواینټونو شمېر د یکشنبې په شپه ۴۹۹۹۹ ته وروسته له هغه ورسید چې د کلیپرز د ټیم پر وړاندې ۱۷ پواینټونه ترلاسه کړل. لیکرز ۱۰۸ د ۱۰۲ په وړاندې کلیپرز ته ماتې ورکړه.
۴۰ کلن جیمز لبرون همدا اوس د امریکا د باسکټبال د فدراسیون (NBA) په تاریخ کې په عادي فصل او د پلې آف په لوبو کې تر ټولو ډیرو پواینټونو ترلاسه کونکی دی چې د خپل حرفوي ژوند په اوږدو کې یې د باسکیټبال د اوږد تاریخ ټول پخواني ریکارونو له سره لیکلي دي.
جیمز تر اوسه د باسکټبال ۲۲ فصله لوبې کړي او پدې موده کې یې د ۵۰ زره پواینټونو په ګټلو سره د NBA د بل لوبغاړي وینس کارټر سره ځان برابر کړی دی. د لیکرز د باسکټبال د ټیم بل ستر لوبغاړي کریم عبدالجبار، چې ۲۰ فصلونه لوبې یې کړې وې د ۴۴،۱۴۹ پوائنټونو په ترسره کولو سره د امریکا د باسکټبال فدراسیون په تاریخ کې دویم ځای لري.
جیمز لبرون د امریکا د باسکټبال د ډیرو پواینټونو ریکارډ جوړ کړ
فورم \ دبحث خونه