په کابل کې پولیس وايي یو ځانمرګي درې کسان ووژل چې یو یې پولیس دی. په برید کې ۱۲ ژوبل شوي هم دي چې درې یې پولیس دي.
د افغانستان د دفاع وزارت چارواکي وايي، د افغان پوځ د افسرانو د ذاتي چارو په قانون کې د اوسنیو اړتیاو پر بنسټ بدلون راوستل کيږي او په دې برخه کې یو کمیسیون کار پیل کړی دی.
بلخ ولایت کي سیمهییز چارواکي او د سره صلیب نړیوالې کمیټې مسولین وايي، چې نن سهار په بلخ ولایت کې د دغې ادارې یوه ښځینه کارکونکې د دندې پر مهال د یو وسلهوال کس د ډزو په نتیجه کې وژل شوې ده.
د افغانستان اجرائيه رئیس عبدالله عبدالله د مجاهدینو د پخواني قوماندان احمدشاه مسعود د پلویانو له خوا د سنبلې په اتلسمه د کابل ښار په واټونو کې د ډزو او د زورزیاتي د پیښو د ترسره کوونکو په وړاندې د امنیتي ځواکونو د زغم مننه کړې خو ټینګار یې کړی، چې په راتلونکې کې به دا ډول پیښې بیا تکرار نه شي.
د نورستان ولایت چارواکي وايي چې نن سهار وختي تر پنځه سوه وسله والو د برګمټال پر ولسوالۍ برید کړی.
د افغانستان کرکټ بورډ وايي، چې د شپږیزې کرکټ لیګ لوبو لپاره بشپړ چمتوالی نیول شوی او دا لوبې سبا د دوشنبې په ورځ د کابل بازانو او بوست ساتونکو ترمنځ د لومړۍ سیالۍ په ترسره کیدو پیلیږي.
افغان حکومت د امریکا نوې ستراتیژي د افغانستان لپاره ګټوره ګڼي، خو ټینګار کوي، چې دغه ستراتیژي باید د افغانستان د سیاسي مشرانو له خوا وڅیړل شي.
د افغان حکومت یو شمیر لوړپوړو چارواکو، جهادي او سیاسي مشرانو د 'شهید اونۍ' د لمانځغونډې په مراسمو کې د افغانانو ترمنځ پر ملي یووالي ټینګار وکړ او له خلکو څخه یې وغوښتل، چې د افغانستان د 'دښمنانو' د دسیسو ښکار نه شي.
د کابل ګارنیزیون عمومي قوماندانۍ د 'شهید اونۍ' په مناسبت د احمدشاه مسعود پلویانو ته ویلي، چې په کابل ښار کې د مارشونو پر مهال د وسلو له لیږدولو، د امنیتي ځواکونو د یونیفورم له اغوستلو او د دولتي وسایطو له استفادې څخه ډډه وکړي.
د ملکي وګړو د خوندیتوب او عدالت غوښتنې ډلې (CPAG) په یو تازه ریپوټ کې د ملکي افغانانو د مرګژوبلې پر زیاتیدو انديښنه ښودلې او ویلي یې دي، چې په اګست میاشت کې د ملکي کسانو د مرګژوبلې په کچه کې زیاتوالی راغلی دی.
د افغان ولسمشر دویم مرستیال سرور دانش وايي، که څه هم افغانستان په تیرې یوې پیړۍ کې د سواد د ترلاسه کولو په برخه کې هڅې کړي، خو په دې برخه کې یې چندانې پرمختګ نه دی کړی او لا هم د دغه هیواد تر ۶۵ فیصده وګړي د سواد له نعمت څخه بېبرخې دي.
په افغانستان کې د قاطع ملاتړ ماموریت ځواکونو د ځانګړو عملیاتو ګډې قوماندانۍ، د تروریستي ډلو ضد تبلیغاتي پاڼو د خپرولو له امله، چې په کې د دیني حساسیت پاروونکي محتویات شامل وو، د افغانستان له خلکو بخښنه غوښتې ده.
د افغانستان حکومت د تروریستي ډلو پر ضد د بریکس د غړو هیوادونو له وروستي دریځ څخه هرکلی کړی او هغه یې د تروریزم پر ضد د هیوادونو نوی درک بللی دی.
د افغانستان حکومت وايي، د روان عیسوي کال په اکتوبر میاشت کې د سیمې د شلو هیوادونو د مخدره موادو پر ضد د مبارزې د کارپوهانو په ګډون په کابل کې یوه غونډه جوړوي.
د افغانستان د حج او اوقافو وزارت چارواکي وايي، چې له سعودي عربستان څخه د افغان حاجیانو د بیرته راستنیدو لړۍ د چهارشنبې په ورځ پیلیږي او په دیرشو ورځو کې به پای ته ورسیږي.
د بشري حقونو د څار نړیوال سازمان په افغانستان کې د وګړو د جبري ورکیدو پر دوام انديښنه ښودلې ده.
د کابل امنیه قوماندانۍ وايي، چې په تیرو پنځلسو ورځو کې د کابل پولیسو د مخدره موادو د قضیو په تړاو لسګونه کسان نیولي او له هغوی څخه یې په زیاته اندازه مخدره مواد کشف او ضبط کړي دي.
نن سهار شاوخوا لس بجې د کابل ښار په نهمې امنیتي حوزې کې د عامې روغتیا څلورلارې ته نږدې د کابل بانک د یوې نمایندګۍ مخې ته چاودنه وشوه.
د افغانستان د مسکراتو جرمونو او مخدره موادو پر ضد د مبارزې عدلي او قضايي مرکز وايي، د روان لمریز کال په اسد میاشت کې د ۶۰ قضیو په تړاو د مخدره موادو د ۶۹ قاچاقبرانو دوسیې، دغه مرکز ته سپارل شوي دي.
په کابل کې امریکايي او ناټو چارواکي وايي، چې یو شمیر تروریستي ډلې له افغانستان څخه بهر تجهیز او تمویل کیږي او ټینګار کوي، چې په افغانستان کې بریا ته د رسیدو لپاره د سیمې د هیوادونو همکاري اړینه ده.
نور پورته کول
