په ننګرهار کې یو شمېر کروندګر د سړو خونو د نشتون څخه شکایت لري. د بهسودو ولسوالۍ د قاسم اباد په سیمه کې د فیروز په نوم یو کروندګر، چې په یو نیم جریب ځمکه کې یې تور بانجان کرلي دي وايي، له یوې خوا سړې خونې نشته چې سبزي او میوه په کې وساتل شي او له بلې خوا د پلور لپاره يې هم مناسب مارکیټ نه شته.
په کونړ کې کروندګر په ټوله کې د سبزیو او په ځانګړې توګه د توریو له حاصلاتو خوښ دي. د دې ولایت د خاص کونړ ولسوالۍ د هجرت اباد په سیمه کې حاجي خیر محمد چې په اجاره شوې ځمکه کې یې تورۍ کرلي دي، وايي، چې د غنمو او جوارو په پرتله، د توریو حاصل ډېر او د دوی د کورنۍ ورځنی ژوند پرې روان دی.
په کونړ کې د هندواڼو یو کروندګر له سږنیو حاصلاتو خوښ نه دی او وايي چې د تېر کال په پرتله یې ډېره ګټه نه ده کړې. دغه کروندګر چې د خاص کونړ ولسوالۍ د لغمانیو په سیمه کې يې په شاو خوا ۳ جریبه ځمکه باندې هندواڼې کرلي دي وايي، چې سږ کال يې د هندواڼو حاصلات بیخي کم و او لامل يې هم بې وخته بارانونه یادوي.
په لغمان کې ځینې کروندګر وايي، چې اوس دوی د کوکنارو کښت ته زړه نه ښه کوي او پرځای یې د سبزيو کرکیلې ته مخه کړې ده. پدغه ولایت کې کروندګر په دې باوري دي، چې کوکنار د ټولنې په زیان دي او سبزي له یوه پلوه حلال او ورسره يې پېر او پلور هم اسانه دی.
د ننګرهار په سره رود ولسوالۍ کې د پنبې یو شمېرکروندګر د اوبو له نشتوالي شکایت کوي او وايي، سیند یې په خوا کې بهیږي خو د دوی کروندې اوبو ته تږې وي.
ننګرهار په سره رود ولسوالۍ کې یو شمېر کروندګر د اصلاح شویو تخمونو او کیمیاوي سرو د ویش پر پروسې نیوکې کوي او وايي، مرستې هغو کسانو ته رسېږي، چې واسطه او یا خپل خپلوان ولري.
ه لغمان کې د شېمله مرچو یو کروندګر وايي، که څه هم سږ کال يې حاصلات بارانونو زیانمن کړي دي، خو بیا هم د پلور بازار يې ښه دی او خوښ دی چې د دغو مرچو له کرکیلې د خپلې خوښې وړ عاید ترلاسه کوي.
لغمان کې د رومیانو کروندګر وايي د مارکیټ د نشتوالي له امله کړي لګښتونه هم اوس نه شي پوره کولی او کله چې د رومیانو د حاصلاتو وخت شي نو د یو من رومیانو بیه ان زر افغانیو ته را ښکته شي.
کونړ کې د لیمو یو شمېر بڼوال وايي چې د بڼوالۍ زیار یې کم خو حاصل او عاید يې د نورو فصلونو په تېره بیا د کوکنارو او غنمو په پرتله ډېر دی.
په کونړ کې د ناکو یو بڼوال وايي، خوښ دی چې د بڼ حاصلات يې په ښه بیه پلورل کېږي او د هغه د کورنۍ اړتیاووې پوره کوي. د دې ولایت د نورګل ولسوالۍ "تورې تېږې" په سیمه کې محمدعظیم وايي، له کلونو راهیسې يې دهقاني کړې، خو له تېرو اتو کلونو راهیسې يې د ناکو باغ جوړ کړی دی.
په ننګرهار کې یو شمېر کروندګر له بازاري بې کیفیته تخمونو څخه سرټکوي او وايي، له یوې خوا يې د اصلاح شویو تخمونو نه شتون او له بله اړخه يې د شنو خونو نه شتون لويې ستونزې دي.
په کونړ کې کروندګر وايي چې په میاشتو میاشتو خواري او زحمت وباسي، خو چې سبزي يې حاصل ته ورسېږي نو بیا ورته د پلور بازار نه وي او ډېر کله تاوان کوي.
په ننګرهار کې د غنمو د تهریشر کولو وخت را رسېدلی او یو شمېر کروندګر وايي، چې سږني اورښتونو یې د غنمو د فصل ټولې خوارۍ ورته له منځه وړي دي. ددغو کروندګرو په وینا، سږنۍ اورښتونه په داسې وخت کې وشول چې غنم حاصل ته رسېدلي و.
په ننګرهار کې د شفتالانو یو شمېر بڼوال وايي که څه هم سږ کال حاصلات یې ږلیو یو څه زیانمن کړي دي، خو خوښ دي چې راتلوونکو کالونو ته به ښه حاصلات ترې را ټول کړي.
په لغمان کې یو شمېر کروندګر خپلو حاصلاتو ته د مناسب بازار له نشتون څخه سرټکوي. ددغو کروندګرو په خبره، کله چې حاصلات یې ورسېږي، نو د پلور لپاره يې بازار نه وي او کړي لګښتونه یې هم نه پوره کیږي.
په لغمان کې یو شمېر کروندګر وايي، دا چې سړې خونې نشته نو هر کال يې د فصلونو حاصلات خراب او یا ډېر کله خپل کړي لګښتونه هم نه ورته پوره کوي.
د ننګرهار ولایت په مرکز جلال اباد ښار کې یو شمېر کروندګر وايي چې د کرنیزو محصولاتو لپاره د مارکیټ او د سړوخونو د نشتون له امله، له ستونزو سره مخ دي. دوی وايي، کله چې فصلونه یې را ورسیږي، بیا مارکیټونونه کې بیې را ولویږي، چې له همدې امله، ډیرې وختونه خپل کړي لګښتونه هم نشي پوره کولای.
په ننګرهار ولایت کې یو شمېر کروندګر وايي چې له نورو هېوادونو داسې تخمونه افغانستان ته راوړل کیږي، چې اکثره کروندګر یې نه یوازې له کیفیت څخه بې خبره وي، بلکې حاصل یې هم هغسې نه وي، څنګه چې دوی ورڅخه تمه لري.
په لغمان کې یو شمېر کروندګر وايي، همدا چې فصلونه یې ګل ته ورسیږي نو نباتي مرضونه پرې ولګیږي او ددې کار عمده لامل دی چې ددغه ډول مرضونو لپاره درمل نه لري. دوی وايي، تخمونه بې کیفیته او د نباتي امراضو په مقابل کې بازاري درمل يې د فصلونو لپاره ښه پایله نه ورکوي.
د ننګرهار ولایت په سره رود ولسوالۍ کې د نیالګیو د بزغلیو ځېنې فارم لرونکي وايي، چې د اوبو د نشتوالي له امله یې ګڼ فارمونه له منځه تللي دي او سږ کال د دوی د کاروبار حالات ښه نه دي.
نور پورته کول
