په کندهار کې بڼوال که څه هم سږ کال د انارو ښو حاصلاتو ته هیله من دي، خو په ورته وخت کې د بازارموندلو په اړه لږ اندیښمن دي.
د خولفې په نوم سبزي چې په اصل کې په طبعي ډول په عامو کروندو او ځمکو کې پیدا کېږي، اوسمهال په کندهار او شاوخوا ولایتونو کې د کروندګرو له خوا د نورو سبزیو په ډول کرل کېږي
په کندهار کې کروندګر وایې چې د سړو خونو د نشتوالي له امله خپل کرنیز حاصلات نشي ذخیره کولی، ځکه خو اړ دي چې په ټيټه بیه یې وپلوري. نثاراحمد چې پر خپلې ځمکې یې د جوارو کښت کړی دی وایي، چې اوس کروندګر د داسي تخمونو د کرلو په فکر کې دي چې سړو خونو ته اړتیا ونلري او ذخیره کول یې ورته اسانه وي.
په کندهار کې کروندګر د سبزیو له حاصلاتو خوښ دي او وایي د ځېنو نورو غله دانو په پرتله د سبزیو حاصلات ښې پیسې جوړوي.
په کندهار کې یو شمېر کروندګر د خپلو ځمکو د غنمو له ګټې څخه خوښ ندي او وایي هغه تمه یې چې د غنمو عوایدو ته درلوده تر لاسه نشوه.
په کندهار کې د پالیزونو کروندګر د مارکېټ له نشتوالي څخه شکایت کوي او وايي چې د کښت د پاللو لپاره سختې ستونزې ګالي، خو کله چې حاصل یې ورسيږي نو په مارکېټ کې په ټيټه بيه پلورل کيږي.
په کندهار کې په شنو خونو کې د زراعتي توکو کرکیله مخ په زیاتېدو ده او په دغه ولایت کې کروندګر وایي په شنوخونو کې د سبزیو کرل کمو اوبو ته اړتیا لري. هیواد ته راستانه شوي کروندګر وایي، د سبزیو د کښت او ترويج په برخه کې خپلي ترلاسه کړي تجربې په خپل هيواد کې عملي کوي.
د هینجې کښت چې د کوکنارو یو له ښو بدیلونو څخه ګڼل کیږي او پدې وروستیو کې یې کښت د افغانستان په جنوبي ولایتونو په تېره بیا په کندهار کې هم ترویج شوې ده، اوسمهال یې د شیرې د ټولولو موسم دی. په لومړي ځل ۴ کاله وړاندي د کندهار يو شمېر کرونده ګرو د هینجې ازمایښتي کښت کړی وو، چې ښه پایله یې ور کړې ده.
په کندهار کې یو زیات شمېر بڼوال چې په نوې بڼه یې د انګورو بڼونه جوړ کړي، وایي چې دغه راز بڼونه په لږ لګښت سره جوړیدای شي.
په افغانستان کې د هلمند روغتیايي مسؤولین وايي چې په دغه ولایت کې د پولیو (ګوزڼ) یوه نوې پېښه ثبت شوې ده.
د افغانستان په جنوب کې د ګوزڼ پر ضد د مبارزې مسؤولین وایي چې د هوا په تودېدو سره يې د ګوزڼ (پولیو) ناروغۍ د مخنيوي لپاره په هرو څلورو اونیو کې یو کمپاین پلان کړی دی او ژر به یې پلی کړي.
په کندهار کې یو زیات شمېر کروندګر د نورو کرهڼیزو فعالیتونو تر څنګ د زراعتي غواګانو د فارمونو جوړولو ته هم مخه کړې ده او د دوی په وینا په کندهار کې د لبنیاتو لپاره د پام وړ مارکیت شته دی.
سږ کال په کندهار کې توتان د اورښتونو له کبله له خپل اصلي وخت څخه څو اونۍ وروسته پاخه شوي دي.عموما د پسرلي په دوهمه میاشت ثور کې د کندهار توت پاخیږي، خو سږکال د جوزا په میاشت کې پاخه شوي دي او د توتانو د یو شمېر باغدارانو په ويناء اقلیمي بدلونونو د دوی په حاصلاتو هم تاثیر کړی دی.
په جنوب کې د ګوزڼ پر ضد د مبارزې مسؤولین وايي چې په پاکستان کې د ګوزڼ مثبتې پېښې او محیطي ویروس پر افغانستان مستقیم اغېز لري او دوی يې خپل لور ته د مخنیوي هڅې زیاتې کړي.
په کندهار کې یو شمېر بڼوال وایي، که چیرې د کیمیاوي سرې او د اوبو لګولو ستونزه یې هواره نشي، نو ښايي د انارو بڼونه له منځه لاړ شي. ددغه ولایت یو تن بڼوال، خیر محمد پر خپله ځمکه ۹ کاله وړاندي د انارو بڼ جوړ کړی، خو وایې چې حاصلات یې خپل لګښت هم نه پوره کوي.
په کندهار کې په لومړي ځل د نۍ یا نل کښت شوی چې د کروندګرو په وینا ښه پایله یې ور کړې ده. نۍ یا نل یو ډول شین بوټی دی چې اکثره په جبه زارو او یا ولاړو اوبو کې ښه وده کوي خو اوس په کندهار کې یو شمېر کروندګرو په خپلو ځمکو کې کرلي دي.
په کندهار کې د پستو بڼوال وایي چې د سږني پریمانه اورښتونو له امله پدغه ولایت کې د ګڼو نباتي ناروغیو کچه ټېټه شوې ده. ددغو بڼوالو په خبره، په کندهار کې د "شوته" په نامه یو ډول خطرناکه نباتي ناروغي، هر کال زرګونو جریبه ځمکې او بڼونه زیانمنوي.
د پوليو پر وړاندې د مبارزې په برخه کې فعال واکسيناتور وايي، چې ځينې کورنۍ د ناروغۍ پر مهال خپلو ماشومانو ته له واکسين کولو ډډه کوي.
په کندهار ولایت کې یو شمېر هغه کروندګر چې پخوا به یې کوکنار کرل، خو اوسمهال یې د بدیلو کښتونو کرکیلې ته مخه کړې، وايي چې د پلاستیکونو لاندې کښتونو یې ښه نتیجه ورکړې ده.
نور پورته کول
