اذربایجان او ارمنستان د پنجشنبې په ورځ مارچ ۱۳ (کب۲۳) اعلان وکړ چې د لسیزو راهېسې د جګړې ختمولو د حل لپاره یې خبرې پای ته ورسولې او دواړو خواو موافقه کړې چې د احتمالي تړون مسوده لاسلیک کړي.
فرانسوي چارواکي وايي چې د پاریس په مذاکراتو کې به د نړۍ د ۳۲ هېوادونو استازي ګډون کوي چې د اوکراین لپاره نړیوال ساتي ځواکونه جوړ کړي.
د بریتانیا صدراعظم کییر سټارمر د چهارشنبې په ورځ مارچ پنځمه (کب۱۵) د خپلو هغو سرتېرو سرښندنې او مېړانه وستایله، چې د ایتلافي ځواکونو سره یو ځای په افغانستان او عراق کې جنګېدلي او یا وژل شوي دي.
په اتریش کې چارواکي وایي هغه بریدګر، چې په چاقو یې یو ۱۴ هلک وواژه او پنځه نور لارویان یې ژوبل کړل، ممکن د اسلامي دولت (داعش) سره اړیکه ولري او په یوازې ځان یې دا کار کړی دی.
د فوټبال نړیوال فدراسیون (فیفا) ویلي چې د پاکستان د ملي لوبډلې غړیتوب یې ددغه فدراسیون د لارښوونو څخه د سرغړونو له کبله ځنډولی دی.
د متحدو ایالتونو ولسمشر ډونالډ ټرمپ د پنجشنبې په ماښام فبروري ۱۳ (سلواغه۲۵) په سپینې ماڼۍ کې د هند صدراعظم نریندرا مودي ته ښه راغلاست ووایه او هغه یې خپل «عالي ملګری» وباله.
په لیبیا کې مقاماتو د دغه هېواد په جنوب ختیځ کې په یوې صحرا کې دوه ډله ایز قبرونه موندلي، چې په کې د کډوالو او پناه غوښتونکو ۵۰ مړي ښخ دي.
د متحده ایالاتو د نړیوالې پراختیا (یوایس ایډ) کارکوونکو ته د یوې خبرپاڼې له لارې امر شوی چې په واشنګټن کې ددغه ادارې مرکزي دفتر ته لاړ نشي. میلیاردر ایلن مسک له دې وړاندې اعلان کړی و چې ولسمشر ډونالډ ټرمپ ورسره ددغه ادارې د تړلو په اړه موافقه کړې ده.
په سوریه کې چارواکي وايي ددغه هېواد په شمالي ښار منبج کې د چاودېدونکو موادو ډک موټر په چاودنه کې لږ تر لږه ۱۸ کارګرانې ښځې وژل شوي او ۱۵ نورې ټپیانې شوي دي.
د پاکستان پوځ د پنجشنبې په ورځ جنورۍ ۳۰ (سلواغې ۱۱) په یو بیان کې ویلي چې په شمالي وزیرستان کې د سخت دریځو پر یو پټنځای باندې د پوځي عملیاتو په ترڅ کې دوه امنیتي پرسونل او "شپږ یاغیان" وژل شوي دي.
د متحدو ایالتونو ولسمشر ډونالډ ټرمپ د پنجشنبې په ورځ جنوري ۲۳ (سلواغې څلورمه) وویل چې هیله لري د ایران په اتومي پروګرام باندې د پوځي بریدونو مخه ونیسي، اسرائیل له ډېر پخوا څخه په ایران پوځي برید د یو انتخاب په توګه په پام کې نیولی.
په هند کې پولیس وایي د یکشنبې په ورځ جنوري ۱۹ (مرغومې۲۰) یو کس یې د هند د سینمايي ستوري سیف علي خان باندې د برید په شک نیولی دی.
په وروستیو کلونو کې د حفاظتي اصولو نه پلي کېدل د پاکستان په کانونو کې د خونړیو پېښو د رامنځته کېدو لامل بلل شوی دی.
ټاکل شوې چې د متحدو ایالتونو د کانګرس په ګډه غونډه کې د ولسمشریزو ټاکنو د انتخاباتي استازو (حوزو) رایې وشمېرل شي او نوی منتخب ولسمشر ډونالډ ټرمپ تصدیق کړي.
د ترکیې چارواکي وايي چې ددغه هېواد په شمال لویدیځ کې د چاودیدونکو توکو او مرمیو په یوه فابریکه کې په زوروره چاودنه کې ۱۲ تنه مړه شوي او لږ تر لږه پنځه نور ژوبل شوي دي.
په پاکستان کې چارواکي وايي چې ددغه هېواد د زنداني شوي پخواني صدراعظم عمران خان ګوند له زندان څخه د هغه او یو شمېر سیاسي فعالینو د خوشې کولو لپاره له حکومت سره خبرې کړي دي.
په سوریې کې د یاغیانو مشر ابو محمد الجولاني، چې ډلې یې د بشارالاسد رژیم نسکور کړ، له څو کالونو راهېسې عامو خلکو ته د خپل ځان د ښه ښودلو هڅه کړې، له القاعدې سره یې اړیکې پرې کړې او ځان یې د ګڼو عقیدو او مذهبونو د ساتنې او زغم اتل معرفي کړی دی.
د متحدو ایالتونو منتخب ولسمشر ډونالډ ټرمپ د یکشنبې په ورځ ډسمبر اتمه (لیندۍ ۱۸) د اوکراین او فرانسې له ولسمشرانو سره تر ملاقات وروسته په اوکراین کې د سمدستي اوربند غږ وکړ.
په پاکستان کې مقاماتو نن دوشنبه ډسمبر دویمه (لیندۍ۱۲) وویل چې د قومي مشرانو په مرسته یې په کورمه کې د سني او شیعه فرقو ترمنځ دویم اوربند وکړ.
نور پورته کول
