د پاکستان په پلازمېنه اسلام آباد او د خيبر پښتونخوا ايالت په مرکزي ښار پېښور کې میشت ځینې افغان کډوال وايي، چې په دولتي روغتونونو کې یې نه درملنه کېږي او په شخصي روغتونونو کې ترې زياتې پيسې اخیستل کېږي.
په پاکستان کې افغان ښځینه زده کوونکې چې د علامه اقبال په نوم په پاکستاني بورسونو زده کړې کوي، د خپل راتلونکي په اړه اندېښمنې دي. په افغانستان کې د ښځو پر زده کړو او کار د طالبانو بندیزونو یې په خپل هېواد کې د مسلکي پرمختګ لارې تړلې دي.
د افغانستان لپاره د پاکستان ځانګړي استازي صادق خان د فبرورۍ پر ۱۲ (سلواغه ۲۴) ویلي دي چې د دوحې بهیر کاري ډلې په غونډه کې یې له افغانستان سره د مخدره توکو پرضد مبارزې په برخه کې د مرستې کولو ژمنه بیا تکرار کړې ده.
د خیبر پښتونخوا په پېښور کې د فبرورۍ په ١٠ ( سلواغه ٢٢ ) د جمعيت علماء اسلام (ف) په بلنه شوې جرګې د خيبر جرګې پرېکرې تائيد کړې او غوښتنه یې کړې چې د پاکستان د اساسي قانون د اتلسم ترميم له مخې دې پخوانۍ قبایلي سیمو ته د هغوی قانوني حقونه ورکړل شي.
د بلوچستان ایالت په پښتون میشته سیمه چمن کې د پنډیانو (لغړیانو) د پرلت دا دی ۱۷ میاشتې وشوې خو د پاکستان مرکزي حکومت یې لاهم غوښتنې نه دي منلې.
په بلوچستان ايالت کې د ۲۰۲۴ کال په ورستيو کې دوه افغان ماشومان ګوزڼ وهلي دي چې يو د چمن ولسوالۍ په ځنګل پیرعليزي پنډغالي او بل د پشین په سېګۍ سيمه کې دیره دي.
د عوامي نیشنل ګوند د خيبر پښتونخوا ايالت رئیس په سیلانۍ د خیبرپښتونخوا ایالت سوات کې یوې غونډې ته په وینا کې ويلي دا ګوند د پاکستان او افغانستان ترمينځ د هر ډول جنګ خلاف دي او پرضد به یې سړکونو ته راوځي.
د پاکستان په پلازمېنه اسلام آباد او پينډۍ کې افغان کډوال د پوليسو د ځورونو سربېره په اقتصادي توګه هم د ځپل کېدو شکایت کوي، که يوخوا هغوی له دې دواړو ښارونو شړل کېږي نو بل خوا پرې د کار او روزګار ورونه هم تړل کېږي.
په پاکستان کې خبریالان وايي، د بیان ازادي او حکومت مخالفه سیاسي ګوندونه چې له وړاندې تر سخت سانسور لاندې وو، د حکومت له لورې د یو نوي قانون له کبله له سخت ګواښ سره مخامخ شوي دي.
د بشري حقونو څار ادارې د پاکستان پر حکومت غږ کړی چې د برېښنایي جرمونو مخنیوي قانون دې په زغرده لغوه کړي یا دې اصلاحات پکې وکړي.
د پاکستان د خیبر پښتونخوا د کورمې ولسوالۍ سني او شیعه مشرانو جرګې د فبرورۍ پر دریمه ( سلواغې ١۵) د پېښور په ناسته کې ځینې مهمې پرېکړې وکړې چې پر ټولنیزو رسنیو به کرکه خورونکې پاڼې په ګوته کوي او حکومت ته به یې ورښيي.
د افغان کډوالو لپاره د پاکستان کمېشنرۍ دفتر وايي چې اوس مهال په دغه هیواد کې د قانوني اسنادو نلرونکو افغان کډوالو په ګډون ۲.۹ میلیونه افغان کډوال ژوند کوي.
د پاکستان په پلازمېنه اسلام آباد کې د کورمې د اهل سنت او اهل تشيع ډلې د یوې ۳۰ کسیزه جرګګۍ غونډه وشوه چې په خپله سیمه کې د امن او جوړجاړي لپاره لارې چارې ولټوي.
د نړۍ په ډېری هیوادونو کې پناه اخیستوونکو ته تر يوڅو کلونو پس د هغه هیواد تابعيت ورکول کیږي خو پاکستان د پناه اخیستونکو لپاره داسې هیڅ قانون نه لري.
د پاکستان د خبریالانو ټولنې د پېښور او کوټې په ګډون په ټول پاکستان کې د برېښنایي جرمونو مخنیوي قانون "پيکا" نافذېدل په دې هېواد کې د ژورنالیزم لپاره د تورې ورځ په توګه نمانځلې.
اروپایی ټولنه د اروپا سوداګریزو بازارونو ته د پاکستان صادرات له محصول څخه معاف کړي ترڅو دغه هیواد بشري حقونو مسلو ته چې تر "ډیر فشار لاندې" دي، وده ورکړي.
په پاکستان کې د روغتيا چارواکي اندېښنه ښيي چې د ګوزڼ ناروغي یوځل بیا په چټکۍ سره خپرېږي چې له کبله یې هغه هیلې ټکنۍ شوې چې په نړۍ کې دغه ختمه شوې ناروغي به په دې هېواد کې هم ختمه شي.
د پاکستان په پښتون میشتو سیمو کې امنيتي ستونزو ته په کتو له تېرو څو کلونو راهیسې سیاسي ګوندونه، غورځنګونه او ځايي ولسونه قامي جرګې کوي چې په کې د بنو امن جرګه، د باجوړ جرګه، د لکي مروت جرګه، د پښتون عدالت په نامه د خيبر جرګه او په دا وروستیو کې د کوټې ولسي جرګې لویې وې.
په پاکستان کې میشت افغان کډوال وایي، چې په دغه هېواد کې یې د ماشومانو لپاره زده کړه کول خورا ستونزمن کار دی، چې لوی علت یې بې وزلي او د دې ترڅنګ په دولتي ښوونځيو کې د ماشومانو د نوملیکنې ستونزې دي.
د بلوچستان په مرکز کوټه کې، د غار دننه له یو موزیم څخه د اسلام د مقدس کتاب قرآن کریم تر ۱۰۰ زیاتې نایابه نسخې غلا شوي دي.
نور پورته کول
