د پاکستان د بلوچستان ايالت په بولان سيمه کې د مارچ ۱۱ (کب ۲۱) پر رېل ګاډي د بريد او د سلګونو کسانو د يرغملولو تر پېښې وروسته د اختر په رخصتیو کې خپلو کورونو ته تلونکي مساپر وايي، د ځمکنۍ لارو پرځای د الوتکو سفر خوندي بولي خو د ټکټونو اخیستو وس نه لري.
د پاکستان او افغانستان ترمنځ د سوداګرۍ د تر ټولو یوې مهمې لارې تورخم د بیا پرانیستو لپاره د دواړو غاړو مشرانو ترمنځ کېدونکې جرګې دویمه غونډه ځنډول شوې ده.
د پاکستان تحريک انصاف ګوند په شمول یو شمیر نورو ګوندونو هم د خیبرپښتونخوا په ایالتي پارلمان کې د تورخم دروازې پرانستلو لپاره د وړاندې شوي پرېکړه لیک څخه د ملاتړ ژمنه کړې ده.
په پاکستان کې د ایالتونو ترمنځ د د ایاتونو د شتمنیو پرسر د نابرابرۍ شخړه له لسیزو راهیسې دوام لري او د هرې لویې فدرالي پرمختیايي پروژې له پرانیستو سره دا شخړه بیا سره راپورته کړي.
د پاکستان حکومت له لوري د تورخم دروازې د تړلو له کبله سوداګر د چمن -بولدک له لارې افغانستان ته په ګرانه بيه د مالونو لېږدولو ته اړ شوي دي.
د لنډي کوتل قومي مشرانو د تورخم لارې پرانیستلو لپاره درې وړاندیزونه کړي
د ښځو نړيوالې ورځ په تړاو ځینو افغان ښځو د پاکستان پر حکومت غږ کړی چې په دغه هېواد کې میشت افغان کډوالو سره دې د نړیوالو بشري حقونو له مخې چلند وکړي او بېځایه دې یې نه ځوروي.
د نړيوال وجهي صندوق (ای ام اف) یو نهه کسیزه پلاوی دا مهال پاکستان ته په لس ورځني سفر دی چې دغه هېواد ته د اوه میلیارده ډالرو پور ورکولو جاج واخلي.
د مارچ پر څلورمه (د کب ۱۴) د سه شنبې ورځ ناوخته د خیبر پښتونخوا په جنوبي ښار بنو کې د تحریک طالبان پاکستان وسله والو پر یوې پوځي چاوڼۍ غبرګ ځانمرګي بریدونه وکړل چې د چارواکو په وینا پنځه عسکر او ۱۳ ولسي وګړي په کې ووژل شول او تر ۳۰ ډېر نور یې ژوبل کړل.
په افغانستان کې د طالبانو د حکومتي او پاکستانيو پوځيانو ترمینځ پر تورخم یوځل بیا د دوشنبې او سه شنبې په مینځنۍ شپه نښته شوې وه خو په سه شنبه کرۍ ورځ کراري وه.
په پاکستان کې هغه لوی شمېر زده کوونکي چې د دغه هېواد په بیلابېلو پوهنتونونو کې په بورسونو زده کړې کوي یا یې بشپړې کړې دي، وايي، په کوربه هېواد کې کارونه نه ورکول کېږي او د افغانستان اوسني حالات د دې جوګه نه چې ورستانه شي.
د پاکستان په راولپنډۍ او اسلام آباد کې د افغان کډوالو د نيولو د بهيرپه ترڅ کې ډېری ماشومان له تعليم څخه بې برخې پاته شوي دي.
د بلوچستان ايالت د کوټې انتظامي مشر (مرستیال کمېشنر) په امر په دغه ښار کې په ناقانونه توګه د پښتو اکاډمۍ د تړلو پرضد د ليکوالانو او پښتنو ملتپالو ګوندونو تر سخت غبرګون وروسته بیرته پرانيستل شوه.
د کرکټ په چمپینز ټرافي کې د افغانستان او انګلنډ د لوبې وروسته ځینو بریتانوي رسنیو لیکلي چې د افغانستان د کرکټ ملي لوبډله ستره حوصله لري.
د تیرې شنبې د ورځې راهیسې د تورخم د دروازې د بندېدو له امله د کرښې دواړو غاړو ته د سلګونو مسافرو د بند پاتې کیدو سربیره په سلګونه بار وړونکي موټرې هم بندې پاتې دي، چې په کې بار میوې د خبرابېدو د خطر سره مخ دي.
د پاکستان د پارلمان او سرحداتو وزير وايي په اسلام اباد او راولپنډۍ کې مېشت اسناد لرونکي افغانان دې پېښور ته کډه شي او چې قانوني اسناد نه لري هغه به د تورخم پر لار افغانستان ته ستنوي.
د تورخم او چمن دروازې له کابله تر پېښوره، له کوټې تر کندهاره او له کراچۍ تر لاهوره د افغانستان او پاکستان د میلیونونه وګړو او سلګونو سوداګرو د اقتصادي ژوند شاهرګ ګڼل کېږي خو د دواړو هېوادونو ترینګلو اړیکو له کبله پر لارو برخلیک تل پر نازک تار راځوړند وي.
د پاکستان تر فیډرالي انتظام لاندې پخوانۍ فاټا چې په ۲۰۱۸ کال له خیبر پښتونخوا سره یوځای شوه خو سیاسي ګوندونه او شنونکي وايي چې د یادې سیمې د پرمختیايي پروژو لپاره د مرکزي حکومت کړې ژمنې دا دی اووه کاله کېږي لاهم نه دي عملي شوې او نه هم ورته په ایالتي بودیجه کې ونډه ورکړل شوې ده.
په اسلام اباد او راولپینډۍ کې یو شمېر میشت کاروباري افغان کډوال د پاکستان له حکومت څخه غواړي چې د دوی لپاره دې د دغه هېواد په بېلابېلو ښارونو کې ځایونه مشخص کړي چې خپل هېواد ته ترستنېدو مخکې په کې واوسي او یا دې لږ تر لږه يو کال نور مهلت ورکړي چې خپل کاروبارونه راټول کړي.
یو شمیر شنونکي وايي چې دا حیرانوونکې او نه ناڅاپي ده چې نه یوازې په دا وروستیو کې په بلوچستان کې د وسله والو په بریدونو کې زیاتوالی راغلی دی، بلکې په روان ۲۰۲۵ کال کې یې په جنګي تاکتیکونو کې بدلون هم له ورایه ترسترګو کېږي.
نور پورته کول
